O Lugo gaña en Ferrol o Memorial Moncho Rivera
O partido, que rematou con empate a un, serviu para que debutasen Pantic e Joselu no equipo de Fran Justo
Chacón e Loureiro marcaron os goles dun torneo que se decidiu nos penaltis
Esta tarde na Malata houbo un amigable entre o Rácing de Ferrol e o Lugo no Memorial Moncho Rivera. Un partido benéfico a favor da Cociña Económica de Ferrol en que se recadaron preto de 42.000 euros.
A principal novidade no equipo de Fran Justo foi a presencia de Joselu e Pantic, dous novos futbolistas que asinarán polo Lugo neste mercado de inverno. Os lucenses comezaron perdendo mediada a primeira parte. Luis Chacón bateu a Sequeira cun afastado disparo desde lonxe da área.
O empate do Lugo non chegaría ata o final do partido, concretamente no engadido, Miguel Loureiro cun tiro desde dentro da área superou a Gazzaniga. O Memorial Moncho Rivera decidiuse nos penaltis. Aí estiveron máis acertados os pupilos de Fran Justo. 4-5 foi o resultado final.
