O Legado de Max organiza unha xornada de adopción de animais en Carballo
O Legado de Max organiza unha xornada de adopción de animais en Carballo
A protectora coida ao redor de 150 cans e gatos nas súas instalacións
España está á cabeza de Europa en cifras de abandono de animais, uns 700 cada día. É un dato arrepiante que combaten os refuxios intentando concienciar sobre a tenza responsable.
A protectora O Legado de Max organizou unha xornada de adopcións na procura de familias para unha pequena parte dos cans e gatos que coidan nas súas instalacións de Carballo, preto de 150.
As persoas interesadas na adopción deben cubrir un cuestionario de idoneidade. Os animais pasan un período de acollemento previo á incorporación definitiva ao seu novo fogar.
Esta foi a segunda xornada de adopción organizada pola asociación carballesa, satisfeita coa resposta e co interese que suscitou a iniciativa.
