O gol de Carlos Vicente mete o Racing na pelexa polo ascenso directo

O Racing aproveitou o partido adiado contra o Córdoba e encara as últimas catro xornadas do campionato a só un punto do Alcorcón e cos mesmos que o Real Madrid Castela. 

Tocáballe gañar no Arcángel, sufriu ata o final pero levou o triunfo grazas a un gol de Carlos Vicente no minuto 87. O partido reiniciouse no minuto once e no primeiro tempo apenas se contabilizaron achegamentos de gol. 

Na segunda parte espertou o Córdoba, que estivo máis ambicioso. O Racing aguantou cun gran Gazzaniga e co paso dos minutos e os trocos foi aparecendo na área contraria. Parecía que ía rematar co empate a un co que se adiara o partido, pero a velocidade dun dos mellores xogadores do campionato, Carlos Vicente, apareceu no intre decisivo para marcar un gol que achega o Racing ao ascenso directo.