O exalcalde de Ourense, Manuel Cabezas, declarou ante o xuíz por presunta prevaricación urbanística

O exalcalde popular Manuel Cabezas declarou ante o xuíz en Ourense. Tanto el coma o exconcelleiro de Urbanismo están acusados de non esixirlles o 10 por cento de aproveitamento aos promotores de 15 proxectos.

A Fiscalía e a acusación particular, exercida por unha exconcelleira socialista, sosteñen que o Concello deixou de ingresar máis dun millón e medio de euros. Manuel Cabezas asegurou que contaban co aval dos técnicos. A súa defensa pide a nulidade das actuacións.