O DOG establece a redución dos grupos na hostalería
A Xunta está á espera do aval do Tribunal Superior de Xustiza de Galicia para a extensión do certificado covid
Consulta o DOG aquí
Este xoves publicouse no DOG a disposición pola cal queda aprobada a redución dos grupos na hostalería anunciada esta semana pola Xunta.
Polo tanto, nos interiores poderán xuntarse grupos de ata oito persoas e quince persoas nas terrazas. A medida entra en vigor este sábado 27 e estará vixente, polo menos, ata o 18 de decembro.
Queda pendente a aprobación da extensión do certificado covid. A solicitude é presentalo nos restaurantes a calquera hora do día e nos bares a partir das 21:00 horas. O TSXG recibiu este xoves a petición da autorización da Xunta para incorporar o certificado á actividade da hostalería diúrna.
