O Deportivo visita o Leganés "cun equipo competitivo e moi compensado"

A continuidade de Yeremay dálle solidez ao Deportivo. Un proxecto que dende a chegada do técnico Antonio Hidalgo recibiu nove incorporacións: Loureiro, Noubi, Luismi Cruz, Comas, Quagliata, Gragera , Bachmann, Mulattieri e Stoichkov. Os reforzos de ataque chegados esta semana marcan a subida de nivel do equipo para o técnico catalán. 

Pero antes tocará examinar o nivel actual do equipo, que buscara reeditar mañá en Leganés a súa mellor versión, a que ofreceu en Granada. O Deportivo viaxa sen Jose Angel e sen o defensa Lucas Noubi, convocado pola selección sub-21 belga.