O Deportivo elixe a Domingo Catoira para planificar o regreso ao fútbol profesional

Á falta da confirmación oficial, todo parece indicar que Domingo Catoira será o novo director deportivo do Deportivo. 

O coruñés acaba de finalizar contrato co Español tras o descenso do equipo perico, onde levaba tres anos. Salvo cambio de última hora, será o encargado de confeccionar o cadro de xogadores branquiazul co mesmo obxectivo das últimas tres temporadas, regresar ao fútbol profesional.

Domingo (50 anos) formouse como xogador no Fabril. Non chegou a debutar co primeiro equipo en partido oficial e acabou xogando na Segunda B en equipos coma o Lugo, o Benidorm ou o Novelda.