O Deportivo colle carreira e suma a terceira vitoria seguida (4-1)
Goleou ao Fuenlabrada malia xogar máis dunha hora con dez por expulsión de Davo
Pablo Martínez, Davo, Yeremay e Lucas marcaron os goles dos deportivistas
O Deportivo recupera o sorriso da man dos seus xogadores da canteira. O terceiro gol foi o exemplo do ambiente que se vive en Riazor grazas a xogadores como Mella ou Yeremay. Antes do minuto quince xa lle gañaba por 2-0 (Pablo Martínez e Davo) a un Fuenlabrada que apenas inquedou o rival. Nin a expulsión de Davo por cartón vermello directo no minuto 25 cambiou o partido.
O equipo de Idiakez controlou o partido e foi superior mesmo con dez xogadores. No segundo tempo Yeremay fixo o terceiro cando o campo era unha festa. Nos últimos minutos Illies recortou diferenzas para os madrileños e Lucas, despois dunha carreira de sesenta metros, pechou o resultado (4-1). Son tres vitorias seguidas, algo que nunca conseguira o equipo deportivista nesta temporada.
