O Deportivo atáscase en Matapiñonera

O Deportivo atascouse en Matapiñonera onde non pasou do empate diante do San Sebastián de los Reyes (0-0), un resultado insuficiente na súa pelexa por acadar a primeira posición nesta Primeira Federación. 

O equipo de Borja Jiménez tivo as mellores ocasións, sobre todo nas botas de Soriano, pero non soubo definir diante da portería madrileña. O Sanse tamén dispuxo de boas ocasións e protestou dous goles anulados por fóra de xogo. 

Na porta do Deportivo estreouse o canteirán Pablo Brea, que tivo unha boa actuación. Mantivo a portería a cero e demostrou seguridade durante os noventa minutos.