Jorge Prado proclámase campión do Supermotocrós, o campionato que pecha a temporada nos EEUU
O lugués acada o seu primeiro título nos Estados Unidos despois dos catro mundiais conquistados en Europa
No motocross, chegou o primeiro grande éxito de Jorge Prado nos Estados Unidos. Desde esta madrugada pode chamarse a si mesmo Supercampión.
O lugués recibía eufórico o trofeo que o recoñece como campión do Supermotocross. Prado foi o mellor nas tres probas do playoff que pechan a temporada. Conseguiu o título ao grande, gañando a última manga fronte ao acoso do seu grande rival polo título, Haiden Deegan.
Logo dunha primeira temporada en que as cousas non lle saíron, nesta segunda foi a máis nos dous primeiros campionatos, coroándose neste terceiro: "Estou moi contento por este título, o primeiro nos E.U.A. Son catro veces campión do mundo por algo, e demostreino cando máis importaba. As cousas non rematan ata que rematan, e todo é posible. Son campión do mundo...Imos!!!"
