O Deportivo Abanca visita un rival directo en Eibar (16h)

O Deportivo Abanca visita ás catro desta tarde Ipurúa para medirse co Eibar. As coruñesas queren sumar de tres despois de dous empates consecutivos. O último moi meritorio, ante o Atlético de Madrid. Gañarlle ao Eibar suporía distanciarse dun rival directo.

Fran Alonso cre que o grupo está preparado: "Adestramos moi ben, temos moitas ganas. É un rival da nosa Liga, e non nos puidemos preparar mellor. Así que agardamos ver un bo partido, e ter un bo resultado", indicou o técnico na previa.