O Dépor Abanca faise co Teresa Herrera con superioridade ante o Porto (2-0)

O equipo dirixido por Alberto Rodríguez, que tomaba os mandos esta temporada, gaña o seu sexto Teresa Herrera a costa dun Porto que foi moi inferior e que apenas chegou á portería de Andrea Tarazona. O Dépor adiantábase ao fio do tempo de lecer por medio de Millene, no minuto 44'. A xogadora brasileira foi tamén MVP do partido e está sendo das mellores na pretemporada. O segundo gol chegaría tamén ao final da segunda parte, minuto 87', marcaba Eva Dios para poñer o definitivo 2-0.