O Cumio da ONU sobre Cambio Climático comeza no corazón da Amazonia do Brasil
Empeza oficialmente este luns cunha longa lista de tarefas pendentes e a misión de poñerlle freo á crecente vaga de negacionismo sobre o quecemento global
Nesta cita van participar representantes duns 170 países
O Cumio sobre Cambio Climático da ONU, o COP30, prepárase para comezar oficialmente este luns en Belém, no corazón da Amazonia do Brasil.
Os mandatarios teñen unha longa lista de tarefas pendentes e a misión de poñerlle freo á crecente vaga de negacionismo.
Representantes duns 170 países participarán nunha cita marcada por profundos cambios xeopolíticos, un número récord de conflitos armados, disputas comerciais e importantes líderes mundiais que sementan dúbidas sobre o quecemento global.
Esta é a primeira vez que a conferencia climática se celebra no maior bosque tropical do planeta, un ecosistema vital para a regulación da temperatura global, pero tamén un dos máis ameazados pola deforestación e a minería ilegal.
A COP30 celébrase ata o 21 de novembro. Estes días xa houbo reunións preliminares.
