A entrega do fillo menor de Juana Rivas aprázase ao venres

O Xulgado de Primeira Instancia número 3 de Granada acordou este martes aprazar ata o venres a entrega do fillo menor de idade de Juana Rivas, a nai de Maracena que foi condenada a dous anos e medio despois de que no verán de 2017 pasase un mes en paradoiro descoñecido cos seus dous vástagos incumprindo as resolucións xudiciais que lle obrigaban a entregarllos ao pai, o italiano Francesco Arcuri, que ten a custodia e tiña previsto reunirse con el no punto de encontro familiar do centro da capital granadina.

Segundo informaron aos medios desde o Tribunal Superior de Xustiza de Andalucía, o menor volverá este martes coa súa proxenitora ata que poida concluír a execución da resolución xudicial dos tribunais italianos.

Faino despois de estar ata pasado o mediodía asistido por psicólogos no mesmo punto de encontro onde chegaba para a súa reunión Arcuri sobre as 09.30 horas. O neno saíu para reunirse coa súa nai pasadas as 14.30 horas.

Negativa do Constitucional

Todo elo malia que ao longo da mañá trascenderan informacións que apuntaban que o Tribunal Constitucional (TC) inadmitiu a trámite o recurso de amparo presentado por Juana Rivas contra a orde de entrega do seu fillo menor de 11 anos ao pai, o italiano Francesco Arcuri, no proceso no que se resolveu manter o menor baixo a custodia deste.

Rivas acudía o punto de entrega. Alí tivo que ser atendida dun ataque de ansiedade.

Fontes xurídicas indican que os maxistrados da Sección Segunda do TC José María Macías, Ricardo Enríquez e Juan Carlos Campos o desestimaron por falta de esgotamento da vía ordinaria.

Rivas deu este paso logo que a Audiencia Provincial de Granada negase a petición de suspender a orde de entrega do menor ditada polo Xulgado de Primeira Instancia Número 3 de Granada, cumprindo as ordes dos xuíces de Italia.

O principio de confianza entre Estados da UE

No marco do principio de confianza mutua entre Estados europeos, aseguran que non poden compartir o argumento da parte apelante, polo que habería que aceptar que o retorno do menor a Italia abocaría a unha maior desprotección deste.

Estes mínimos estándares, segundo engade o auto sobre a investigación a Arcuri por malos tratos, por máis que se tivesen como de peor condición respecto á normativa, non deixaría obrigarnos a operar conforme ás normas imperativas do dereito da UE. 

Os maxistrados destacan que a cuestión debatida se refire a un asunto dunha Xustiza doutro país e conclúen que non hai motivos para a suspensión da orde e medidas acordadas.

Así, os xuíces din que o correcto funcionamento do espazo de xustiza é vital para a propia UE, polo que é preciso reforzar a confianza mutua nestes sistemas.

Arcuri chega a Granada cunha visión moi positiva

O italiano Francesco Arcuri, quen contaba recibir este martes ao menor, chegara a Granada expresando que confía en volver a Italia con él.

 

Arcuri chegou ao punto de encontro ás 9:30 da mañá e asegurou que non ve ao seu fillo dende as Navidades e que leva sete meses sen oír a súa voz. 

Tamén respondeu que todo pode pasar con respecto á posibilidade de suspensión da entrega. Tamén falou sobre o xuízo por maltrato cara seus fillos, e afróntao coma unha oportunidade para aclaralo todo. 

O seu avogado, Enrique Zambrano, tamén asegurou que non ten dúbida sobre que o fillo volverá hoxe co seu pai, xa que no existe posibilidade legal de que o Constitucional o poida frear.