O Congreso vota a senda de estabilidade, que apunta a ser rexeitada
O Executivo precisa de todos os votos dos socios da investidura para sacar adiante este paso previo á eleboaración dos orzamentos do Estado, e Junts xa advertiu que votaría en contra
Arquivo (Europa Press/Ricardo Rubio)
O Congreso vota este martes a senda de estabilidade para o período 2027-2029, un paso previo fundamental para a elaboración dos futuros orzamentos de 2027, aínda que todo apunta a que será rexeitada co voto en contra de Junts, xunto ao de PP e Vox.
Para 2027 o Executivo fixou un límite de gasto non financeiro ou teito de gasto de 226.032 millóns de euros, un máximo histórico que supera nun 6,6 % o gasto deste ano -un 4,6 %, se se teñen en conta os 4.151 millóns en fondos europeos de 2026-, cos que aspira a confeccionar uns orzamentos ambiciosos no social e responsables no fiscal.
O Consello de Ministros tamén aprobou unha senda de estabilidade que replica o proceso de redución do déficit publico do plan fiscal e estrutural: 1,8 % do PIB en 2027, 1,6 % do PIB en 2028 e 1,5 % do PIB en 2029.
Para sacar adiante esta senda, o Goberno precisa do apoio de todos os seus socios de investidura, incluído Junts, que advertiu que a rexeitaría se se mantiña a marxe de déficit autonómico como o pasado ano, como así ocorreu.
Ademais, o Pleno do Congreso acolle tamén o debate sobre a reforma das leis de dependencia e discapacidade e a validación do decreto lei, que aumenta en 6.200 millóns de euros desde o 1 de xullo ata 2027 o financiamento do sistema de dependencia.
