O Concello de Oleiros alerta os veciños dunha estafa telefónica

O Concello coruñés de Oleiros está a advertir os seus veciños sobre unha posible estafa telefónica.
Varios residentes xa contactaron coa Policía Local para informar de que acaban de recibir unha chamada que en nome do Concello os convidaba a participar nunha enquisa.

A cambio recibirían un lote de produtos cosméticos. Tamén lles pediron un número de conta para pagar o envío. O Concello xa presentou denuncia ante a Garda Civil.