O Concello de Lugo ordena o peche cautelar dunha discoteca no centro da cidade

O Concello de Lugo ordena o peche por tempo indefinido dunha discoteca no centro da cidade que levaba aberta apenas dous meses.

As protestas veciñais, tanto polo ruído xerado no interior do negocio coma o balbordo que se formaba na rúa,  levaron á policía local a elaborar un informe no que se detectaran graves deficiencias no illamento acústico, nos sistemas de seguridade do recinto e nos accesos.

O local permanecerá sen actividade ata que se acometan os cambios esixidos polo Concello, que obrigan a unha reforma integral do local.