O Concello de Barbadás publica os obxectos perdidos nas redes sociais
A oficina de obxectos perdidos está ubicada na sede da Policía Local, onde xa acumulan máis de 300
Para axudar a recuperalos están empregando as redes socias, onde se poden ver os obxectos que recollen
Atopar un obxecto na rúa non é unha sorte... é unha obriga adquirida: a de devolvelo entregándollo á Policía. E non é cuestión de ser bo cidadán, é o que manda o Código Civil. Os axentes custodian todos eses obxectos, e ás veces ninguén vai por eles. Na Policía Local de Barbadás decidiron publicar en redes sociais todos os que teñen almacenados, a ver se alguén os reclama.
Coñecen as oficinas de obxectos perdidos? Nesta do concello de Barbadás, situada na sede da Policía Local, hai máis de 300 artigos agardando a que os donos veñan reclamalos. Para axudar a recuperalos están empregando as redes socias, onde se poden ver os obxectos que recollen.
O obxectivo é dar a coñecer entre a cidadanía este servizo. Entre os obxectos que chegan hai de todo... E os de máis valor a Policía Local custódiaos nunha caixa forte.
E se atopamos unha carteira con cartos?
Os obxectos o os cartos en efectivo perdidos pódense reclamar ata dous anos despois, e, de non aparecer o dono, a persoa que os entregou poderá quedar con eles.
