O CITIC achega o eclipse a persoas con discapacidade intelectual
Organizan un obradoiro interactivo para os usuarios do CAPD das Xubias
"Queremos poñer o foco na inclusión e levar este fenómeno a todas persoas"
Hoxe no centro de atención á discapacidade das Xubias toca clase de astronomía. Os científicos do CITIC queren que todos gocemos do eclipse de sol, sen ningún tipo de limitación.
"Primeiro damos unhas pinceladas básicas sobre o sol e a lúa e logo pasamos á observación do eclipse con lentes, videos e elaboración de caixas escuras para velo de xeito seguro", explica Xabier Pérez Couto, o estudante de doutoramento no CITIC que imparte a charla.
De maneira segura e inclusiva, nuns obradoiros interactivos que contan con grande aceptación.
"Saben do tema é gústalles, queren estar informados e participar, están moi contentos", engade a directora do CAPD das Xubias, Eva Fuertes.
Unha recreación virtual con lentes de 3D permite que se vaian facendo unha idea da sensación que vivirán esa tarde na que o día se fará noite.
"É unha preciosidade e agardo que todos os meus compañeiros poidan gozar do eclipse tanto coma min", di unha usuaria.
"Moitos pasan de non saber que vai haber unha eclipse na Coruña a entusiasmarse e morrer de ganas de vela", engade o investigador.
Unha eclipse total e accesible para todos, da que poder gozar sen máis barreiras ca uns lentes para protexer a vista.
