Iníciase a veda do choco este luns nas rías de Vigo, Pontevedra e Arousa

A pesca do choco nas rías de Vigo, Pontevedra e Arousa está vedada a partir deste luns 20 de xullo e ata o 31 de outubro, segundo as tres resolucións que publicou o Diario Oficial de Galicia (DOG).

A decisión adóptase unha vez examinados os informes técnicos correspondentes, que constatan un incremento significativo de individuos xuvenís capturados a partir do mes de xuño respecto a meses anteriores.

Os informes recomendan limitar o emprego das diferentes artes de pesca nas zonas máis interiores das rías e a medida tómase unha vez consultado o sector na zona.