O centrocampista ponteareán Damián Rodríguez atopa acomodo no Cádiz

O que sae do Celta é Damián Rodríguez, que xogará cedido esta temporada no Cádiz. O centrocampista de Ponteareas, de 23 anos, superou o xoves o recoñecemento médico co seu novo club. Xogará baixo as ordes de Imanol Idiakez, ex adestrador do Deportivo.

Damián tiña renovación da cesión co Rácing polo ascenso pero non entraba nos plans do adestrador santanderino. A solución de consenso que tomaron Rácing e Celta foi a de buscarlle acomodo na Segunda División para que puidese ter minutos.