O Celta tentará corrixir en Mestalla os erros do Metropolitano

A estrea goleadora de Gabri Veiga, nun grande escenario e outra vez mellorando o Celta desde o banco de suplentes, invita a imaxinalo como titular no próximo partido. Antes de viaxar a Madrid, Coudet gabou a súa madurez, pero falaba de ir amodo.

Gabri marcou o gol que se lle negou a Aspas ou a Larsen. O noruegués, dous anos mais vello que Veiga, é moi consciente de que puido cambiar o rumbo do partido. E Iago marchou baleiro logo de marcar nas catro primeiras xornadas. Cando non o fai, o Celta non gaña.

Despois do 4-1 contra o Atlético, o Celta xoga o sábado en Mestalla contra un Valencia irregular.