O Celta afronta o derradeiro partido de preparación contra o Wolverhampton

O Celta comeza a preparar o último amigable da pretemporada. Será o vindeiro sábado diante do Woverhampton, equipo no que xogan Strand Larsen e Fer López, dous xogadores que pasaron polo cadro vigués e que deixaron unha importante cantidade económica cos seus traspasos á Premier League. Será un partido moi especial para os dous xogadores e o cadro celeste e que poderemos ver na Televisión de Galicia e Agalega.gal a partir das 16:00 horas

Tamén será unha cita clave para Miguel Román e Jones El Abdellaoui, dous xogadores que non teñen asegurada a ficha co primeiro equipo pero que están a realizar un gran período de preparación e buscan convencer a Claudio Giráldez para poder formar parte do primeiro plantel.

O noruegués está achegando goles e moita profundidade pola banda dereita. Miguel Román, pendente do seu futuro neste mercado de verán, busca a opción de xogar no primeiro equipo aínda que sexa con ficha do filial. Non se descarta unha cesión pois hai clubs da Segunda División interesados no centrocampista.