O Celta leva o Memorial Quinocho ante o Lión
Carles Pérez anotou o gol no minuto 72
Un gran Iván Villar pechou a portería e Iago Aspas vai quentando motores
Era un partido moi esperado contra un equipo cun gran prestixio en Europa, nada máis e nada menos que o Olympique de Lión.
O Celta comezou moi activo, tratando de animar e ilusionar a afección. Comezaron con tantas ganas que o canteirán Hugo Sotelo, que faría outro gran encontro, case fai o 1-0 antes do primeiro minuto de xogo.
🚨 Tívoa Hugo Sotelo antes do minuto 1
— En Xogo tvG2 (@EnXogo_tvG2) July 29, 2023
🔥 Tremenda a asistencia de Iago Aspas co calcaño
📌 0-0 🆚 @OL
📺 En directo en @TVGalicia e no enlace de G24 📲👉 pic.twitter.com/5jc8yBJqSF
Comezou apertando o Celta, mais os franceses demostraron rápido o seu nivel e obrigaron a aparecer a Iván Villar en varias ocasións, demostrando que en Casa Celta, aínda que se esperen fichaxes, o porteiro está a un gran nivel nesta pretempada.
🚨 Hai porteiro! Fixo dous paradóns Iván Villar antes do cuarto de hora
— En Xogo tvG2 (@EnXogo_tvG2) July 29, 2023
🏟 Mantense o 0-0 en Balaídos
🆚 @OL
📺 En directo en @TVGalicia e no enlace de G24 📲👉 pic.twitter.com/T8ci6WpHNk
O encontro igualouse e comezaron a ter máis peso os centrocampistas, polo que baixaron o número de ocasións. Os celestes estaban máis seguros en defensa, cun Cervi que se estreou no lateral esquerdo, unha das chaves que recalcou Benítez dende a súa chegada: ser máis solidos defensivamente.
Chegou o descanso e o adestrador meteu no campo a un Carles Pérez que sería do mellor do equipo na segunda metade. Aspas deixaría outro gran calcañazo que Larsen non aproveitaría e chegaría o carrusel de cambios.
Cando o encontro vía o seu fin, Carles aproveitaría un rexeito do porteiro tras golpearse con Cervi e picaríalla por riba aos defensas que trataron de parala. 1-0 e o partido estaba decidido.
⚽ Gooooooool de Carles Pérez
— En Xogo tvG2 (@EnXogo_tvG2) July 29, 2023
👉 Rematou mancado Cervi tras chocar co porteiro
⏰Minuto 72
🔵 @RCCelta 1⃣-0⃣ @OL 🇫🇷
📺 En directo en @TVGalicia e no enlace de G24 📲👉 https://t.co/6apn9Ek6RB pic.twitter.com/IpSndmJAfV
Remataría o encontro e os vigueses lograrían a vitoria no seu trofeo. Faltan fichaxes e saídas, mais o Celta comeza ben a pretempada.
