O Celta comeza a pretemporada en Afouteza

Comezou a traballar oficialmente o Celta, o equipo máis madrugador da Liga esta temporada. Na primeira sesión en Afouteza estaban convocados trinta futbolistas.

A única ausencia significativa é Mingueza, aínda de vacacións tras a Liga das Nacións. Claudio Giráldez conta nesta pretemporada con dúas caras novas. O porteiro romanés Radu e o dianteiro Jutglá. Ademais, asinou en propiedade a Ilaix Moriba.

Na porta de saída están varios futbolistas, como Unai Núñez e Carles Pérez. O Celta afronta unha pretemporada con sete amigables de preparación.