O Celta afronta a última semana de pretemporada pendente dun dianteiro

Seis partidos, dous triunfos, sete goles e un nome propio: o do noruegués Younes El Abdellaoui. Futbolista emerxente da pretemporada celeste que ademais de dúas dianas deixou acción de calidade, aínda que atrás, sobre todo na portería, os erros individuais penalizaron moito os números do equipo de Claudio Giráldez.

Na parte positiva, coma case sempre, atopamos a Iago Aspas, con 38 anos e intentando xogadas desde a súa nova posición na medular. Portugal, Suíza, Alemaña, Inglaterra..., chegadas, saídas, Tincho e Hugo González que volven ao filial, xogadores por chegar e por saír e tempo de poñer o contador a cero.

E queda po ver a Bryan Zaragoza, que xa está en dinámica de grupo. Terá minutos no derradeiro exame ante o Wolverhamton o vindeiro sábado as catro da tarde, na galega, o último rival celeste ante do inicio da Liga: o equipo de Larsen e Fer López.