O Cangas segue sen gañar tras caer en Bidasoa (30-27)
Os do Morrazo foron por diante no marcador ata o inicio da segunda metade
Rematarán a xornada na última posición da clasificación
@CDBidasoaIrun
Nova derrota do Cangas na liga Asobal. Esta vez en Bidasoa ante un dos equipos da zona alta da clasificación. Os de Quique Domínguez reduciron os locais ata que apareceron o polonés Piotr Mielzcarski e o chileno Rodrigo Salinas para darlle a volta ó adverso marcador do primeiro tempo. O Cangas entrou moi ben no partido collendo rapidamente vantaxe no marcador grazas os goles de Manu Pérez e Arnau Fernández.
O cambio dos locais a unha defensa 5:1, cos longuísimos brazos do polaco Piotr incomodando as circulacións galegas, xunto á desgraciada lesión de nocello de Valderhaug, cambiaron o signo do encontro nos minutos finais e o marcador quedou aberto para o segundo tempo aínda que cos de Cangas mantendo unha mínima vantaxe.
No tramo final impoñeríase o mellor físico do equipo vasco ante un Cangas exhausto, a pesar do gran traballo de Mateo Pallas na súa portería. Derrota honrosa dos cangueses que unha semana máis seguirán no fondo da clasificación da liga Asobal.
