O Cádiz pide a paralización da Liga mentres non se resolve o Caso Elxe

O Cádiz solicitou a suspensión temporal da Liga mentres non se resolve o seu recurso polo caso Elxe. O club gaditano presentou ante o Tribunal Administrativo do Deporte un recurso para pedir a impugnación do partido da xornada 17 ante o Elxe e a repetición dos últimos dez minutos.

Os gaditanos consideran neglixente a actuación arbitral, que lle concedera o gol do empate ao xogador do Elxe Ezequiel Ponce no minuto 81. O futbolista estaba en clara posición de fóra de xogo.

Del Cerro Grande arbitraba aquel encontro e non houbo aviso do VAR, onde estaba o colexiado galego Iglesias Villanueva para corrixir a situación.