O Bribón e o Momo comezan mandando no Mundial 6 metros de Sanxenxo

Estrea en Sanxenxo do mundial seis metros, con dominio do Bribón 500 en clásicos e do Momo na categoría Open. Moi boas condicións de vento na Ría de Pontevedra, vento do suroeste de entre 12 e 14 nós. 

A flota puido completar as dúas roldas previstas fronte a Sanxenxo. Todos os favoritos rematan a xornada apertados en puntos na xeral da categoría Clásicos, comandada polo Bribón 500, e na categoría Open lideran os suízos do Momo.