O Breogán, ante a oportunidade de durmir fóra do descenso
O Breogán, ante a oportunidade de durmir fóra do descenso
En xogo, ademais dun triunfo vital na súa carreira cara á permanencia, tamén está o basket-average
Foto @CBBreogan
Casademont Zaragoza e Río Breogán, separados por dous triunfos na clasificación, protagonizan este sábado un duelo directo pola permanencia no pavillón Príncipe Felipe, onde os lucenses teñen a oportunidade de durmir fóra do descenso moitas xornadas despois.
A pesar da última derrota na pista do Manresa, nun partido que se lle escapou no segundo cuarto, o equipo galego encara este esixente exame no seu mellor momento da tempada, cunha maior profundidade de banco e xogadores como o Ben McLemore e Sergi Quintela asumindo moito protagonismo en ataque.
En xogo, ademais dun triunfo vital na súa carreira cara á permanencia, tamén está o basket-average, que os galegos se asegurarían en caso de triunfo ou se perden por menos de cinco puntos.
As opcións de vitoria do Breogán pasarán polo seu defensa. Se o equipo de Mrsic é capaz de frear o xogo de ataque do seu rival, liderado polo exbreoganista Trae Bell-Haynes, terá moitas opcións de éxito. Outra das claves estará en explotar as perdas do Zaragoza, o terceiro da liga Endesa que máis comete por encontro cunha media de 14,6 por choque.
