O BNG reclama que se destine o 2,5 % do PIB á ciencia e á investigación

Galicia debe facer unha aposta estratéxica pola ciencia e a innovación. Así o salientou a voceira nacional do BNG, Ana Pontón, durante a visita ás obras que albergarán a futura cidade das TIC, na antiga fábrica de Armas da Coruña. Reclamou que se destine o 2,5 % do PIB galego a este ámbito.

Pontón defendeu tamén a creación dun consorcio galego pola dixitalización e anunciou que van levar ao Parlamento unha lei para que se cree o Innogal, un instituto galego que promova e coordine o I+D+i en Galicia. Asegurou que é fundamental ter ferramentas para captar talento, evitar que marche fóra, favorecer a implantación empresarial e a competitividade.