O belga Devos con Karina gaña o Gran Premio de Casas Novas

O xinete belga Pieter Devos e a súa montura Karina conseguiron este sábado o triunfo no Gran Premio Longines de Casas Novas. O belga protagonizou sobre a area de Arteixo un bonito duelo no desempate co británico Whitaker e co alemán Ahlmann. Segundo e terceiro, respectivamente. O percorrido era de 1,55 en alturas, con desempate.

En canto ás outras probas disputadas este sábado, no trofeo Porsche, unha proba de habilidade e velocidade con 1,30, a vitoria foi para Amelie Gachoud. E no Malard, que consistía nunha contra o reloxo en alturas de 1,40, o máis rápido foi Javier González Fraga.