O Baxi Ferrol escribe unha das páxinas máis gloriosas no baloncesto galego

Non podía ser doutra forma e a Malata encheuse este xoves para acompañar o Baxi nunha das maiores proezas da súa historia: clasificarse para unhas semifinais europeas. O equipo ferrolán defendía na casa unha renda de 19 puntos pero o Sassari non estaba disposto a tirar a toalla. Ao descanso, gañaban as italianas por 11 puntos. Todo virou na segunda metade. As ferrolás igualaron o partido no terceiro cuarto e no derradeiro ofreceron un auténtico recital. O Lión agarda na seguinte rolda. Ata onde pode chegar o Baxi? A próxima entrega, a partir do seis de marzo.