O batallón de "burros bombeiros", unha arma eficaz contra o lume en Doñana

O chamado batallón de "burros bombeiros" de Doñana é un grupo de 18 animais cun labor preventivo: rozar o terreo para facer cortalumes que protexen a contorna deste espazo natural.

"Os burros comezan a traballar na primavera, comezan a rozar a herba verde que despois no verán se converte nese combustible que é o pasto seco", di Luis Manuel Bejarano, presidente da asociación El Burrito Feliz.

Este traballo co batallón de "burros bombeiros" de Doñana está planificado pola asociación El Burrito Feliz, demostrando desde hai uns 12 anos que o labor dos burros é clave para evitar incendios.

"É un protocolo case militar, avalado pola Unidade Militar de Emerxencia que estivo aquí de visita. Trátase de sete horas de traballo diario. O traballo é eficaz, queda todo limpo de cara a poder parar unha lingua de lume se chega", engade.

O cuartel xeral destes animais está en Hinojos, en Huelva. No seu labor, os burros están vixiados polo colectivo ecoloxista feminino Mujeres por Doñana.

"Estamos pendentes deles cando están nos cortalumes, levámolos, traémolos, levámoslles a auga e controlamos se hai algún problema dalgún deles", din desde o colectivo ecoloxista feminino Mujeres por Doñana.

"O pasto seco é combustible puro, onde está o burro isto non existe", destaca o presidente da asociación El Burrito Feliz.

Segundo os expertos, os burros son uns animais moi selectivos, que non fan ningún dano ao bosque e que demostran ser unha arma eficaz contra o lume.