O arquitecto que deseñou o muro que caeu sobre un estudante en Ourense di que non participou na súa execución
O arquitecto que deseñou o muro que caeu sobre un estudante en Ourense di que non participou na súa execución
O arquitecto declarou ante a xuíza como investigado pola morte dun alumno do Sexto Instituto de Ourense en 2022
Seguen as declaracións no xulgado dos investigados en relación ao estudante que morreu esmagado por un muro en Ourense hai un ano. O último en declarar foi o arquitecto que deseñou a estrutura.
Moi afectado, aseguroulle á xuíza de instrución que dende que el lle entregou o proxecto á Administración non volveu ter coñecemento do mesmo.
Os informes periciais dos técnicos expertos terán que verificar agora se ese proxecto foi o executado.
O estudante estaba cambiándose de roupa xunto ás duchas cando o muro de 1.400 quilos de peso lle caeu enriba. Un accidente no que outro alumno tamén quedara atrapado por unha perna.
