O Arenteiro reacciona a tempo e remonta en Torrelavega

O Arenteiro conseguiu o primeiro triunfo da temporada no campo da Ximnástica Torrelavega. Vitoria que ten máis mérito por teren que remontar o tanto inicial do equipo cántabro. 

Basurto marcou no 28 para un equipo local que se facía forte no seu campo. Unha acción na área da Ximnástica foi asubiada como penalti e o capitán Álex Fernández non desaproveitou a oportunidade e empatou o encontro. Era o minuto 58. Un cuarto de hora máis tarde chegou o gol de Antón Escobar. O dianteiro estreouse en partido oficial coa camisola do Arenteiro cun gol que vale o seu peso en ouro.