O COB asina un inicio perfecto da man dun estelar Martín Fernández
O xogador vilagarcián é o máximo anotador da categoría (21,5 puntos) e o mellor valorado despois de dúas xornadas nas que o equipo ourensán gañou os dous encontros
O Club Ourense Baloncesto quedou como o único representante galego na Primeira FEB pero o seu inicio de campionato está a ser perfecto. Dous partidos e dúas vitorias, xunto a Alacant, Gran Canaria, Palencia, Estudiantes e Cantabria.
Un xogador sobresae por riba de todos. O escolta vilagarcián Martín Fernández que comezou como o mellor xogador da categoría. Nesas dúas xornadas é o líder en anotación (21,5 puntos de media) e en valoración (27,5 de media). A achega de Martín foi determinante para gañar na primeira xornada a Tizona e na segunda na pista do Guipúscoa Básket. Martín está tirando mellor ca nunca na súa carreira acreditando unhas porcentaxes excepcionais (80 % en tiros de 3) que demostran a súa gran selección de tiro.
Xunto a el están a brillar xogadores como Marc García, McDonell ou Russell que debutou no partido correspondente á segunda xornada con 16 puntos.
