O Celta perde a Starfelt para as próximas seis semanas
O central sofre unha rutura fibrilar na coxa dereita
Mancouse no último encontro da selección sueca ante Bosnia
Os servizos médicos do Celta avaliaron a Carl Starfelt tras o seu regreso a Vigo, despois de que o central abandonase a concentración de Suecia por unhas molestias na parte posterior da súa perna dereita.
A resonancia realizada ao xogador, substituído no minuto 31 ante Bosnia e Hercegovina, mostra unha rotura fibrilar na área miotendinosa do músculo semimembranoso con afectación no tendón proximal da coxa dereita.
Starfelt inicia agora o tratamento pertinente, que se estenderá ao redor das 6 semanas que se estiman de baixa. O central xogara ata o momento tres partidos de liga e un de Europa League. Se se cumpren os pronósticos, podería estar de volta para o encontro ante o Real Madrid.
