O Arenteiro cae contra Unionistas (3-1) e afúndese no penúltimo posto
Os charros non lles deron opción aos galegos, malia a que Bastida foi quen de recortar diferenzas no treito final
No tempo engadido chegou a sentenza por medio de Chibozo
O Arenteiro queda momentaneamente a nove puntos da salvación
Foto: @CD_Arenteiro
O Arenteiro segue a complicar a súa situación nunha temporada en que parece que nada lle sae ben. No Reina Sofía foi superado por Unionistas, que fuxe do descenso e deixa aos ourensáns nunha situación límite, a nove puntos da salvación e con cada vez menos marxe de manobra.
O partido comezou a decantarse axiña, co gol de Artola cando so ían sete minutos. O Arenteiro non foi quen de responder con perigo, e marchou aos vestiarios co castigo dobrado por culpa do segundo tanto, anotado por Aarón no minuto 43.
Na segunda parte non mudou excesivamente a decoración, con Unionistas gozando dalgunhas ocasións, pero foi o Arenteiro o que golpeou. Bastida establecía o 2-1 no 76, deixando con opcións de remonta aos de Juanfran. Pero o gol que faltaba foi o da sentenza. Chegou no tempo engadido, obra de Chibozo no 94, para deixar aos galegos nunha situación límite.
