O Amfiv precisa cartos para seguir competindo
Non puido inscribirse na Liga e ten unha prórroga ata o venres
Precisa 60.000 euros para seguir competindo
O Amfiv é un referente galego no deporte con discapacidade
As portas do pavillón de Bouzas, as portas do baloncesto de elite en cadeira de rodas ameazan con pechar esta temporada en Galicia. Porque o único equipo na máxima categoría, ese tan importante desde 1982 para a integración dos discapacitados, ese que foi punteiro en España e ata campión en Europa, ese que paseou con orgullo a bandeira galega e apañou distincións...
Ese non ten cartos para afrontar a competición.
Este venres non puido completar a inscrición e pediu unha semana extra para tratar de lograr os cartos.
Se non os conseguen, o Amfiv, equipo de referencia da nosa Galicia, renunciará á súa praza en Primeira e revisará a viabilidade do proxecto.
