Nun par de días podería estar normalizada a recollida de lixo na Coruña

Día clave a priori para a resolución do conflito do lixo na Coruña. Hoxe está prevista unha nova reunión entre a empresa concesionaria e os representantes dos traballadores. Mentres, os desperdicios acumulados nalgunhas zonas da cidade seguen a deixar unha imaxe lamentable. 

Unha imaxe que contrasta, por exemplo, coa que deixa a céntrica rúa de Juana de Vega onde xa se aprecia o traballo dos reforzos contratados polo Concello desde que este luns declarou a emerxencia sanitaria.

Desde o Concello calculan que nun par de días a situación estea normalizada.