Novo incendio nun edificio abandonado en Ourense
Ardeu no interior da antiga granxa escola da Deputación, en Mariñamansa, que adoita ser frecuentada por indixentes
A rápida actuación dos bombeiros evitou que as lapas afectaran a estrutura do inmoble e que se extenderan pola contorna
O fume que saía da antiga granxa escola na tarde do sábado puxo en alerta os veciños. Trátase dun inmoble que leva moitos anos abandonado e no que é habitual, din, atopar persoas sen teito.
Cando chegaron aos bombeiros, as lapas afectaban a maleza que rodea o exterior das instalacións, pero tamén había outro foco no interior que comezara nun colchón. Conseguiron controlar o lume sen maiores consecuencias, aínda así o suceso provocou preocupación na zona.
Insisten en que xa se teñen producido máis incendios e temén que, ao final, se acabe extendo e afectando ás vivendas debido á vexetación que invade o recinto. Un tractor traballaba esta mañá rozando a contorna.
