Novo corte de tráfico na avenida de Arteixo, na Coruña

Novo batifondo circulatorio na Coruña que afecta varias rúas. Desde as dez da mañá deste luns, un treito da Avenida de Arteixo, entre a Rolda de Nelle e o pazo da Ópera, vai esar pechada ao tráfico en ambos os dous lados da circulación. 

Para evitar o caos, na zona instalaron os sinais pertinentes indicando os desvíos e alternativas para os condutores.

A culpa deste novo corte téñena as obras da instalación dunha tubaxe de gas e de asfalto en parte da travesía.

Se se cumpren as previsións, a avenida de Arteixo recuperará a súa normalidade o venres vindeiro contra as sete e media da tarde.