O ano 2026 chega con novidades para as facturas electrónicas
A partir de xullo os autónomos que realicen facturas electrónicas van ter que emitir un código QR de verificación
Polo momento, os que as emiten á man, cunha folla de cálculo ou Excel, non o terán que aplicar
Ana leva 6 anos á fronte da súa herboristería como autónoma. E xa se prepara para o novo sistema de facturación. No seu caso, como autónoma, deberá aplicar a normativa a partir de xullo, para as sociedades será xa o 1 de xaneiro de 2026.
Polo momento non afecta os que facturan de xeito manual, con follas de cálculo ou Excel. Verifactu é o sistema de Facenda para garantir a veracidade das facturas. Ademais, se usan outro programa terá que estar certificado.
Os autónomos denuncian que os tratan igual que as empresas con máis traballadores e departamentos específicos para levar a contabilidade. En Galicia, hai uns 200.000 autónomos, e practicamente 120.000 non teñen traballadores ao seu cargo.
