Esgótanse os décimos da data de comezo da guerra en Ucraína

Co mes de decembro ás portas acelérase a venda de lotería de Nadal, e xa hai números case imposibles de atopar.

É o que acontece co 28.222, a data de comezo da guerra de Ucraína. Na administración do Carballiño tíñano, pero recibiron un aluvión de chamadas e esgotouse.

É algo que se repite ano tras ano, números que coinciden con acontecementos históricos, datas importantes ás que nos amarramos para chamar a sorte.

O éxito do Arenteiro tamén se converteu en reclamo. Vendíase tamén aquí na administración número un do Carballiño. Arestora xa non queda nin un só décimo do número deste club.