A Xunta aproba destinar máis de 17 millóns a axudas para material escolar

O Consello da Xunta aprobou este luns destinar máis de 17 millóns de euros en axudas para a adquisición de libros de texto e outro tipo de material escolar.

Segundo explicou o presidente da Xunta, Alfonso Rueda, estas axudas divídense en tres liñas: unha de 9 millóns para vales para que as familias adquiran o material, unha de 5,7 millóns para comprar libros de texto, e unha de 2,3 millóns para renovar o fondo solidario de libros de texto dos centros educativos.