Unha traballadora do aeroporto de Palma está na UCI por tomar un café cheo de insectos dunha expendedora

Unha moza de 21 anos, traballadora do aeroporto de Palma, notou de súpeto problemas respiratorios e inflamación nos ollos e beizos e axiña descubriu que no vaso en que bebía un café procedente dunha máquina expendedora había gran cantidade de insectos. Sufriu un shock e tivo que ser trasladada á UCI.

A moza, que pensa demandar, recupérase xa en planta, e Aena precintou as máquinas. Unha rápida reacción, como a que tiveron os compañeiros da rapaza, pode ser vital.

A presenza destes escaravellos é moi común en zonas de almacenamento de todo tipo de produtos, sempre que haxa unha temperatura moi elevada. Non son tóxicos, pero poden producir problemas en persoas sensibles.