Na memoria, as traxedias de Adamuz e Angrois
Imposible non acordarse do accidente de Adamuz, sucedido hai menos dun ano e en que faleceron 46 persoas
E máis de preto, en Galicia, revívese o sufrimento da traxedia de Angrois, con 80 vítimas mortais no ano 2013
Na memoria de todos están aínda vivas as imaxes da traxedia de Adamuz que se produciu en xaneiro deste mesmo ano. Alí víronse implicados un tren Iryo e un Alvia e o accidente deixou 46 persoas falecidas e máis de 120 feridas. Entre outras posibles causas investigouse o estado da vía ou unha rotura dun carril.
O que era presidente da Comisión de investigación de accidentes ferroviarios (CIAF), Ignacio Barrón, o 26/01/2026 explicaba que "todo parece evidenciar que a causa principal foi, non tanto a rotura do carril, como dunha soldadura".
O ministro de Transportes daquela falaba dunha posibilidade moi baixa de que se producise un accidente semellante: "En trinta e pico anos, con estas consecuencias, non se producira nunca, polo tanto, a probabilidade é moi baixa, baixísima".
Hai 13 anos, na curva de Angrois descarrilaba un tren Alvia que viña de Madrid por un exceso de velocidade. Houbo 80 persoas falecidas e 144 feridas. Jesús Domínguez, portavoz dos afectados do Alvia de Angrois, recoñece a dureza do momento e solidarízase coas vítimas: "Rememorar todo é unha sensación terrible"
No ano 2010, na véspera de San Xoán, 12 persoas faleceron atropeladas por un tren rápido en Castelldefels cando intentaban chegar á praia cruzando as vías, fóra dos lugares habilitados.
