Na Guarda un coche atropela un ciclista que quedou ferido grave

Un ciclista quedou ferido grave despois de ser atropelado por un coche na Guarda. Foi pouco antes das doce do mediodía cando o ciclista fixo un xiro para incorporarse á vía e o coche non puido esquivalo.

O home, de 76 anos e nacionalidade holandesa, foi trasladado ao hospital de Vigo.

Ata o lugar do sinistro desprazáronse os bombeiros do Baixo Miño, a garda civil, unha ambulancia e mesmo un helicóptero medicalizado, malia que finalmente a vítima foi trasladada en ambulancia.

Un carril da estrada que vai a Oia estivo cortado ao tráfico mentres os equipos de emerxencia atendían a vítima.