Musa recibe o MVP da tempada no medio da festa do Breogán

Festa rachada nas rúas en Lugo para despedir unha temporada brillante do Breogán. A cidade implicouse co equipo onte no último partido da tempada no Pazo e hoxe fixo o propio pola cidade.

A praza de Santa María foi o epicentro da celebración, os seareiros recibiron os seus xogadores con moita emoción. Os Quintela foron dos xogadores máis aclamados. Non faltou Maximus, tampouco, pero sen dúbida o gran protagonista, como durante todo o ano, foi Džanan Musa.

O esloveno foi recibido cunha ovación tremenda, cos berros de MVP... e non puido conter as bágoas cando, por sorpresa, o seu irmán Dzennis Musa lle entregou o trofeo que o acredita como o mellor xogador da Liga 21–22.

O momento emotivo pechábano cun abrazo que enmarca o sentimento de toda unha afección, que, como di o director xeral do Breogán, xa soña con metas máis altas. Iso si, despois da heroica deste ano, está claro que están no punto de mira de orzamentos máis poderosos.